كرهتك يابحر !!!
............................ إهداء : لأرواح ضحابا الطائرة المنكوبه !!
حتى وإنته مظلوم
وبرئ م الدم
كرهتك يابحر
أيوه كرهتك بجد
لأنك نصفت الشر
وبلعت العيدان الخضرا
وشليت دولة الهم
كرهت كل الشواطئ
وكرهت كلمة وداع
لاعارف أداوى جرحى
ولاطايق كلمة تعازى
سهل تكون خداع
ماإحنا بقينا ف زمن
كل شئ بقى جايز
وأبو جهل له أتباع
بيفرحوا يوم مانبكى
ولانعلن .... حداد
ولاهزيمة ف ماتش كورة
خارج البلاد
كرهتك يابحر
كرهتك أكيد !!
...................
بقلم / أشرف نور الدين
ليست هناك تعليقات:
إرسال تعليق