يموت العشق ف قلوبهم
من قلة الوصال
وكتر الغدر مابينهم
لما يزيد حب المال
وينسوا كل أحلامهم
بيت صغير ودستة عيال
قال أسافر أكون نفسى
وأحلامنا نحققها
يدوب شهرين رسايل
وبعدها ينسى عنوانها
خلاص المال ملك قلبه
ماعدش الباشا من توبها
أشوف شركه ولا عماره
وأشترى كام فدان
وأبنى ڤيلا يدوب دورين
تكون فى أجمل ميدان
وعربيه أحدث موديل
كفايه عليا كده حرمان
ونسى وعد كان بينهم
وأتجوزت أبن الجيران
ولما عاد تانى لبلده
وماشى وبنفسه فرحان
وشافها كأنه م يعرفها
وطبع النداله عليه بان
واللى بينهم م يسماش حب
تسالى كأنه مضغ لبان
( أسامه جديانه)
ليست هناك تعليقات:
إرسال تعليق