فاتتنى روحى ورحلت عنى
سكنت بين ضلوعك
أحيانا بتطل عليا
وبتشتاق لنور شموعك
كل ما أحن إليها
تسحرنى نظرات عيونك
وأسرح هايم ويا خيالك
تساوى أيه الدنيا بدونك
فاتنى قلبى وقال مشتاق
نبضاتى سكنت ف وريدك
اللى فاضلى يدوب جراح
والذكرى اللى م بينى وبينك
وعيون تبكى ألم وعذاب
وبتشكى مر الغياب
كانوا زمان بيقولوا حبيبين
وف بحر الأشواق هايمين
ياما لاموا علينا اللايمين
كانوا حسدنى وحسدينك
كان ليلنا حب وغرام
وكلامنا سحر وأنغام
قولى فين راح حنينك
حاولت أنساك وأنسى هواك
م أقدرت أنسى نظرات عيونك
( أسامه جديانه)
ليست هناك تعليقات:
إرسال تعليق