ياحُبِّى انا بقلم الشاعر القدير / محمود العزب

ياحُبِّى انا

شعر/محمود العزب
26/1/2016

كُتر الجَفـا خَـلاَّ الوفا ينزِف كلام
مَليان أسَىَ مابيتنَسَىَ من غير غرام
وانتِ وانا عايشين مِوافقين ع الآلام

ومِستَنيِّين ييجى الحنين ونقول لِمين
والرغبهْ ساكنهْ عندِنـا ومِتفَرَّقيـن
ومافيش أمَل قَرَّب لِنا ولافيهْ انسِجام

وعشان نِكـون لِبعضِنـا ياحُبِّى انا
بلاش نِنام على وضعِنا يوم أو سنَهْ
علشان نِلاقى عيشِتنا بَقِت حِلوَه قَوام.