متقولوش
******
متقولوش ان الحب كلمه
******
متقولوش ان الحب كلمه
أو حضن دافى فى لحظة حلوه
ولا لحن ساحر جوه غنوه
الحب سر للوجود
يوم ما ابتدى
بيه اهتدى
كل البشر لنبض الحياه
الحب يوم ما بيتولد
جوه القلوب
فى الدم يسرى نسيم هواه
الحب أرواح تنجذب وتمتزج
وفى القرب بيعيشوا هناه
الحب قلب وتوآمه
بيسلموا
ويتعلموا
ان السعاده فى اللقا
مش فى الفراق
ارمى الوجع
نبضك رجع
حبك هنا
عيش الهنا
وخلى قلبك ينول مناه
عيش الحياه
مع قلب صافى
وخلى روحك تبقى فداه
وكل ما تزيد المحبه
جوه قلبك لقلب حبك
تلقى الموده
بتجمع آحبه
وحبه حبه
تدوق حلاه
الحب يوم ما تتعلموه
هتتنفسوه
وتحلى قلوبكم بنور ضياه
بقلمى
تامر ابوطالب
ليست هناك تعليقات:
إرسال تعليق