دعابه كنت بحكيها زمان لناس تايهين - بقلم///محمد العليمى///

دعابه
**********
دعابه كنت بحكيها 
زمان لناس تايهين
ومن الزحمه 
وقلة الاخلاص 
اتخنقواواتدفنوا
فى ورقة تين
تخبى حوجتهم 
لناس من طين 
واناعازف بدموعى 
وكلامى على جزعك 
وفروعك اشجانى
وليلى طويل 
ونفسه تقيل
على قلبى
و مالوش اخر 
ولا عمره بيتاخر
ويوسع مره لاحزانى
واشجانى وكلامى 
وانا متحامى باوهامى
وكانى محارب فى
ايده سلاح من بوص
بيتصور انه كابوس
مش ناى هزيل من بوص
وترجع بيا الفكره مع 
الزكرى وهما متصاحبين
لسنين شوق وحنين 
عدوا بسرعه وانا نايم
ومتلحف بورق التوت
المحفوظ فى تابوت 
وبحلف ورق التوت
يحفظ عهده معايا
ومايعرينى ادام 
عيون شمتانه
وتفرح فيا لما اموت 
ولما بفتكرالموت 
بخاف اعزف
كمان على العود
لاحسن اوتاره 
تطلع لحن صريح 
ولا فيه انات قلب موجوع 
او معنى كلام مبحوح 
وحسادى يقولوا اتجرء 
على المقامات 
ونسى المسافات 
والعود مالوش نغمات 
وده كلام اشتغالات
واروح اجرى
ورا الماضى
واحلفه بالغالى
مايبوح باسرارى 
ونزواتى وانا مجنون 
ويفضل دافن احزانى 
ويا قصايد اشعارى 
و عشقى للسمرا بهيه
بنت الجاراللى قصادى 
اللى دسيت حبها 
الصافى والراضى
والطاهرجوه فؤادى
وخفيته فى دولابى
اللى لسه موجود
فى سجل الزكرى
فى دارى المنسيه
فى كفر همومى
والدنيا اللى معلقانى
فى السقيه ومابتروى
الا الشوك فى ظنونى
لان محدش زرع
الورد فى عيونى
لاجل ما اسقيه مودتى 
وقلبى الطيب المدفون 
فى احلامى المهجوره
==============
بقلم///محمد العليمى///