ولسه جايه تقرري
بعد يا حبيبتي اللي كان
وتنهي تاني وتؤمري
وترجعي ايام زمان
ياللي عشقك كان رفيقي...
في دربي بينور طريقي
انا عشقي لسه باقي
ليه يا قلبي العشق هان
لما قلبك كان شراقي
عمر قلبي مره خان
ياللي حبك نور ونار
الف بركان لحظه ثار
صنت عهدك والوداد
وانتي قلبك يوم ما صان
ولسه قادره تهجري
وتنهي تاني وتؤمري
ده كان زمان
انا قلبي فاق م المعشقه
بايديك كات المشنقه
كان يرتجي لحظه لقا
ونصبوا الصوان
ياخدوا عزايا وانا
لسه طير جريح
دفنوا منايا ولسه
بشتاق لك صحيح
كتبوا علي قبري الشهيد
وبنوا الضريح
شاب القليب الاخضر ومات قبل الاوان
غيرت عنواني وتاه مني المكان
لا عمري يوم احسب حساب
ولا اتقي غدر الزمان
ولسه قادره تقرري
ولسه قادره تهجري
ولسه قادره تغدري
علي بعد قلبي تصبري
يا حب كان
غلطان انا م المبتدا
بالعشق قلبي اللي بدا
قليل يا قلبي اللي صدق
ويا مكتر الخوان
بقلم الشاعر / يحيى ابراهيم
ليست هناك تعليقات:
إرسال تعليق