لما بشعر باشتياقي

لما بشعر باشتياقي
اغمض عيني لجل اشوفك
لسه من حلمي اللي باقي
في المنام يجييني طيفك
في منامك يا حبيبتي...
يبقي قلبي هو ضيفك
حطي قلبك جوا قلبي
ادفني في حضني خوفك
يا حبيبتي ميت قصيده
مش كفايه وميت روايه
بس يا حبيبتي قولي
ابتدي منين الحكايه
لو تشاوري راح تنولي
حبي وعشقي ورضايا
القمر منك يغير
للنجوم يرفع شكايه
وانت يحلالك الامي
ضحكي يتساوي ببكايا
ده الطير في الروض يرفرف
يحكي موالنا لصبايا
الزهور في الروض تطير
تحكي عن فرحي وشقايا
والزهور فاح العبير
والعزول يكتب روايه
حبي ليكي شكل تاني
عشق بيزلزل كياني
عذري فيكي يا حبيبتي
انتي عشقي الأولاني
لما قالوا العشق جنه
انت عشقك ليه كواني
لما قالوا تمر حنه
انتي عشقك ليه ضناني
يحسبوا العمر بسنين
واحسب العمر بثواني
الثواني بحضن قلبك
تبقي عندي عمر تاني
لما اشعر بأشتياقي
هو عشقك اللي باقي
احضن الاشواق بقلبي
يرتوي قلبي الشراقي
وابكي ع العمر اللي فات
وابكي ع العمر اللي باقي

الشاعر / يحيى ابراهيم